《牛來》：原來做到「0分」，都可以係一種成功？
2026-08-20 00:22
唔知香港幾時上映？😂 有冇花粉真係想入場睇《牛來》？
最近內地有套3D動畫《牛來》突然爆紅。老實講，第一次見到啲畫面，我都有少少懷疑——真心咩？
但偏偏就係呢種「粗糙到令人想睇下究竟可以有幾粗糙」既獵奇心理，令套戲由上映初期幾乎冇人睇，到最近票房突破 2,500萬元人民幣。仲有人因為《牛來》聽落似「牛市來」，專登買飛入場討個好意頭。🐂📈
最搞笑係，今日係公司傾開，原來大家都問幾時有得睇，上網睇，百老匯原來真係想引落香港。
成件事令我諗起以前聽過一句說話：
「老師改作文，最想睇嘅往往係100分同0分；中間嗰堆60、70分，先最容易被人忘記。」
諗深一層，其實幾殘酷。
今日做生意、做Content、拍電影，甚至做人都一樣。
大家都想做到「唔錯」、「正常」、「穩陣」，但當全世界都係70分，你既70分其實最容易消失。
《牛來》最荒謬嘅地方，就係佢可能完全冇打算證明呢個道理，最後自己反而成為最好嘅例子。
一套原本幾乎冇人留意嘅電影，因為「差得太突出」，差到有人討論、有人二創、有人專登畀錢入場見識，最後由缺點變成流量。
當然，唔係叫大家聽日起身全部努力考0分。😂
而係今時今日，「令人記得」可能比「做得四平八穩」更加重要。
100分令人佩服。
0分令人好奇。
講咁多廢話，其實我都只係想問大家
《牛來》如果真係香港上映……有冇人請我睇🐂🍿