身為喜歡小動物、身邊亦有不少養寵朋友嘅人，今日想用溫和嘅心態，同大家分享一個值得關注嘅議題。
而家網上好多渠道，可以買到價錢吸引、聲稱快速過港嘅外地貓狗。大家養寵嘅初心都係單純喜歡、想給予陪伴，從來唔係有心犯錯，只係好多人唔清楚黑市寵物背後，其實隱藏住好多隱憂。
黑市流入嘅貓狗，大多數源自環境擠迫嘅非法繁殖場，長期缺乏妥善照顧，運輸過程亦都極為不人道。好多細貓細狗表面活潑，體質其實長期虛弱，暗藏健康問題，心理及精神因素？
呢一點我特別有體會，我自己嘅英短都係執返嚟，極大機會帶有繁殖場常見嘅隱藏毛病。之前帶佢求醫期間，我深入研究過貓狗常見嘅隱藏傳染病，先發現呢啲問題遠比大家想像中普遍。
黑市寵物大多未完成疫苗、未經官方檢疫隔離，容易攜帶高傳染性動物病毒。
狗狗常見嘅隱藏疾病包括：犬瘟熱，會影響呼吸、消化及神經系統，幼犬抵抗力弱，康復率偏低；犬小病毒腸炎，容易引發嚴重嘔吐、血痢、脫水，對幼犬相當致命；狂犬病屬人畜共通絕症，香港依賴嚴格檢疫維持零個案，而黑市走私正係最大輸入風險。
貓咪常見嘅隱藏疾病有：貓瘟，傳染力極強，會造成白血球暴跌、嚴重腹瀉嘔吐，幼貓高危；貓傳染性腹膜炎 FIP，由冠狀病毒變異引發，治療漫長昂貴，對貓咪身心都係好大考驗。
正正因為有呢啲健康風險，香港先會設立嚴格嘅寵物入口檢疫、疫苗同申報機制，目的係保護動物、家庭同全港公共衛生。黑市買賣完全跳過所有安全把關。
除此之外，好多人唔知：香港法例明文禁止部分高危犬種入境及飼養，包括比特鬥牛㹴、阿根廷杜告狗、日本土佐犬、巴西非拉狗，連混種後代都唔允許。
但黑市渠道可以私自將呢類犬隻運入社區，市民無意購買就會誤墮法網，同時構成社區安全隱憂。
而且黑市交易毫無售后保障，貨不對版、寵物體弱多病非常普遍，交易非法亦完全無從追討。
養寵本來係緣份，我唔想指責任何人，只係希望大家愛得謹慎。
真心盼望政府可以收緊網上寵物交易監管、加強邊境把關、完善立法罰則、切斷非法走私同繁殖產業，同時加強公眾教育。
希望香港可以有更規範、更安全嘅養寵環境，讓每一個小生命都被善待，每一個愛寵家庭都能夠安心陪伴、無憂養寵。