皮膚剋星：厄爾尼諾爾現象
一講起呢個現象，真係嗌晒救命🥹其實香港本身已經係潮濕地帶，就算過咗回南天，夏天嘅相對濕度都可以高到成80%💦💦💦💦而家仲要加埋呢個現象，狂落雨，濕到爆？
試問皮膚點會唔差？
其實人類嘅皮膚係好醒目㗎，天氣會令皮膚水份蒸發，而蒸發嘅話皮膚就會缺水，咁人嘅自我保護機制就會即刻出嚟幫皮膚保濕，而皮膚外面嘅脂質層亦都會自己均勻分泌油脂幫皮膚做到滋潤嘅功能。
客人成日問呢排（潮濕天氣）塊面真係係咁出油暗粒，咁係因為濕度高令皮膚水份蒸發變慢咗，皮膚嘅脂質層又繼續正常分泌油脂，但其實皮膚水份蒸發一慢咗皮膚就唔需要瘋狂分泌油脂，但因為皮膚自我保護機制唔識分辨，所以會分泌越嚟越多油脂去保護皮膚⋯⋯
亦都即係一去到濕度高時間，皮膚就會出現感知錯亂，本身水份蒸發慢咗，而皮膚脂層層嘅油脂繼續分泌，前面去唔到，後面又係咁出又塞住佢，呢個時間就會出現角質層毛孔堵塞，點解會係咁瘋狂生暗粒？爆瘡？
其實成個原理就係咁簡單啦。
不過要補救亦非常簡單，要勤力啲每個禮拜都清潔皮膚去角質一至兩次🧖🏻♀️等皮膚自己都知道出面嗰層清走咗啦，可以出水出油幫佢保濕，咁樣就會令到阻塞咗喺度嘅新陳代謝，推動佢 ，等佢新陳代謝得更加好，你嘅皮膚就唔會瘋狂爆瘡起濕疹敏感，又或者積埋啲菌喺皮膚表面度就唔會發炎啦。仲有要保持床單衣物乾爽乾淨，以免潮濕令到一啲衣物或者近皮膚嘅衣着被鋪入面霉菌發酵。
但記得唔好以為濕度高，就唔需要幫皮膚保濕，清潔完皮膚一定要做足保濕措施，好多人誤以為空氣濕就代表皮膚都唔使搽太保濕嘅嘢，其實空氣嘅濕係游離水汽，皮膚係吸收唔到㗎。
皮膚水份蒸發的確係慢咗喺濕度高嘅環境底下，但係唔好忘記呀，你哋一定會進出冷氣地方，當你皮膚冇足夠水份喺個底度嘅時間，一去到一個冷氣地方，令到皮膚水份蒸發一變快嘅時間，咁就會連埋底層最基本嘅水份都會被蒸發，呢個時間皮膚嘅屏障就開始崩壞乾到爆炸，呢個就係點解潮濕？天氣個皮膚都係好差？完全唔夠水份嚡熠熠乾爭爭嘅原因啦。