掛一號波，香港人已經開始問：「聽日使唔使返工？」🌪️

緊係唔洗啦,

每次香港一有風，大家最關心嘅問題，好似從來都唔係個風叫咩名。

而係——

「幾點掛三號？」
「有冇機會八號？」
「聽朝使唔使返工？」

😂

今午（26日）減弱為減弱為熱帶風暴，天文台下午3時20分改發一號風球。不過本港天氣仍然不穩，天文台在約3時半發出特別天氣提示，預料強陣風吹襲香港，呼籲市民盡快到安全地方躲避

然後香港人熟悉嘅「打風模式」正式啟動。

手機群組開始有人貼風向圖，有人突然變身半個氣象專家：「佢呢條路線有機㗎！」；有人已經研究緊第二日返工時間，亦有人完全唔理，直到出街發現把遮差啲飛走先知道：「哦，原來打風。」

最有香港味嘅，仲係嗰種「個風未到，人已經準備好」嘅氣氛。

超市某啲貨架開始多人，屋企人問你買咗餸未；返到倉，第一件事唔係諗放唔放假，而係望住啲貨：「窗閂好未？有冇嘢放咗近門口？」

至於直播？照開。

外面橫風橫雨，鏡頭前面：「Hello～今晚又見到大家啦！」

呀東送貨就更加現實。

平時落雨已經夠麻煩，打風仲要加埋大風。拎住幾袋貨，一隻手撳電話、一隻手開門，嗰刻你會發現——遮其實係第三隻手先用到嘅工具。

不過今次美莎克其實有少少「雷聲大，香港感受未算最強」。

打風先黎星期日

所以香港人期待嘅「打風假」？今次未有。🥲

講開打風，其實香港人對颱風真係有一種好特別嘅集體記憶。

細個聽到八號波，第一反應係：「唔使返學！」
大個聽到打風，第一反應變成：「幾點掛？幾點落？聽朝返唔返？」

再大個少少，就開始諗埋屋企窗有冇閂、露台有冇雜物、屋企人返到屋企未。

原來同一個風，年紀唔同，關心嘅嘢都唔同。

打風可以係一個話題、一個突如其來嘅假期，但對要喺戶外工作、送貨、維修、清理路面嘅人嚟講，就真係另一回事。

所以有風有雨，最緊要都係安全。

至於下一個風幾時嚟？

香港人：「我唔係想放假呀，我純粹關心天氣啫。」 👀🌪️